A educação e o seu papel emancipador : um estudo sob olhar decolonial voltado ao sistema educativo de Guiné-Bissau
Uloženo v:
| Hlavní autor: | |
|---|---|
| Datum vydání: | 2025 |
| Médium: | Master thesis |
| Jazyk: | por |
| Zdroj: | Repositório Institucional da UPF |
| Download full: | https://repositorio.upf.br/handle/123456789/9722 |
Shrnutí: | Es tarbadju fasidu na bas di um manera di odja diferente di kolon, pa buska ntidi kal ki papel di edukason suma feramenta di libertason na Guiné-Bissau. Es studu i pa mostra di kuma, sistema di edukason guinensi disna di si kiriason sempri i sigui mudelu di kolon, kusa ku leba na disbalura kultura, ku lingu i ku kunhicimentu tradicional di povu guinensi. Es ardansa di pensamento i di manera di fasi kusas di kolon i ta odjadu te aos dentru di kil ku ta sinadu na skola i na propi manera di kuma ki ta sinadu, kusa ku ta difikulta na konstruson di edukason ku dibidi fasidu bas di realidadi social i kultural di pais. Es piskisa ta diskuti nesisidadi di volta pensa kurikulu skolar nunde ki dibidi di lebadu enkonta kunhisimentu di propi povu i utru manera di insina na skola, ku pudi forma sidadons ku na kapas di pensa i fasi kusas ku se propi kabesa. I bom konta kuma edukason ora ki na akontisi fora di ordi kolonial, i ta sedu spasu di kumprindi pasadu i purpara futuru, um spasu di libertason, di firmanta i di difindi identidade nacional ku sedu baluris i trasus ku ta difini povu guinensi. Nes sintidu, i fasi difindi um sistema di edukason ku ta pirmiti balura kunhicimento di kumunidadi i forsa usu di lingu di kriol i alsa manera di insina nunde ku i na pirmiti tudu studantis participa na aulas. Es buska ta mostra tambi impurtansia di formaon di pursoris ku dibidi sedu orientadu pa um manera di insina diferente de manera di kolon i ku ta buska transformason di sosiedadi i tisi liberdadi. |